Li Şedadê semînera têkoşîna li dijî madeyên hişbir

Meclisa Ciwanan a Partiya Yekitiya Demokratîk (PYD) ya bajarê Şedadê yê kantona Cizîrê semînerek bi sernavê "Têkoşîna li dijî hişbirê" da. Endam û rêveberên saziyên civaka sivîl û ciwan, tevî hêzên Têkoşîna li dijî Hişbirê yên girêdayaî Hêzên Ewlekariya Hundirîn amade bûn.

Piştî rêzgirtinê, hevserokê Nivîsgeha Têkoşîna li dijî Hişbir a Şedadê Mihemed Ebdulhelîm girîngiya xweparastina ji hişbirê vegot û diyar kir ku ji bo rêgirtina li pêşberî belavbûna madeyên hişbir xebateke hevpar ji aliyê şêniyan jî ve pêwîst dike.

Ebdulhelîm got: "Têkoşîna li dijî hişbirê ne tenê berpirsyariya saziyekê ye, lê berpirsyariya her kesî ye. Ji bo parastina ciwanên me û siberoja civaka me divê her kes hişyar û tevkar be."

Mihemed Ebdulhelîm bal kişand ser bandorên hişbirê jî û da zanîn ku bikaranîna madeyên hişbir dibe sedema nexweşiyên pişik û penceşêrê. Her wiha pirsgirêkên dirûnî jî wekî dûrketin û nefreta ji hemberî civakê çêdikin, di heman dem de bandorên wê li ser aborî û hilbirînê jî hene.

Beşdaran jî diyar kir ku divê bi rêya komîn, dibistan, zanîngeh û hêzên têkoşîna li dijî hişbirê bernameyeke hişyarkirina ji hişbirê were danîn.

Di dawiyê de sînevîzyonek li ser hişbirê û çawaniya rêgirtina li ber wê hat temaşekirin.

(bb)

ANHA