Şêniyên Dêrikê sersaxiya malbata şehîd Mihyedîn Dêrik xwest

Bi sedan şêniyên Dêrikê ji bo şehîdê êrişa hewayî ya dewleta Tirk a dagirker a li ser astasyona kehrebê ya 4 a li gundê Gir Kendal ê Dêrikê de Mihemed Omer ( Mihyedîn Dêrik) sersaxî xwestin.

 Şênî li ber avahiya Meclisa Malbatên Şehîdan a Dêrkê kom bûn û bi diruşmeyên dilsoziya bi şehîdan re û silavkirina berxwedana QSD'ê herikîn bin konê sersaxiyê.

Piştî şênî gihaştin bin konê sersaxiyê, endamê Partiya Yekitiya Demokratîk (PYD) şaxê Dêrikê Nayif Hesen li ser navê malbatên şehîdan a Dêrikê axivî û wiha got: "Ev êriş, komployeke navneteweyî ye ku destkeftiyên me têk bibin. Lê hervgirtin û berxwedana hêzên me yên Bakur û Rojhilatê Sûriyê ev êriş têk birin û dosa Kurd û hebûna Kurd li Rojhilata Navîn û cîhanê bû mijareke sereke."

Hesen wiha got: "Biratiya gelan li Bakur û Rojhilatê Sûriyê ji cîhanê giştî re ferdekarî û berxwedana gelan li hember komployên li dijî herêmê îsbat kir û ne pêkan e ev plan bi ser kevin. Ji ber gelên herêmê van plan û komployên bi hewldana têkbirina destkeftiyên me baş dizanin."

Li aliyekî din jî Hevserokê Yekitiya Sendîqaya Endazyaran a Dêrikê Mihemed Seidon wiha got: "Gelên herêmê şer naxwazin, lê belê li ser wan ferz bûye. Ji lew re ne pêkan e em destgirêdayî bimînin."

Seidon wiha dawî li gotina xwe anî: "Ji bilî berxwedan û fedekariyan di oxira azadî û rûmeta gelê me de tu rê neman, em îhanet û radestbûnê qebûl nakin. Ji ber em xwedî maf in."

Merasîma sersaxiyê bi diruşmên silavkirina berxwedana QSD’ê bi dawî bû.

ANHA