Ji bo dabînkirina nanê gundan li Şedadê firin hate vekirin

Komîteya Aborî ya Şedadê li bajarok firineke nan vekir da ku pêdiviya nan a gundên rojhilatê bajarok dabîn bike.

CIVAK Û JIYAN

7 îlon, 2020 12:48

HESEKÊ

Li gundên Şedadê şêniyan gazina kêmbûna nan dikir û firina navçeyê jî nekarî pêwîstiyên navenda navçeyê û gundewarên wê bi cih bîne. Meclisa Rêveber û Desteya Aborî biryar da ku 3 firin li gundewarên navçeyê werin vekirin û pêwîstiyên şêniyan ên nan dabîn bibin.

Dihat payîn ku firinek li gundê Herîriyê were vekirin, lê paşê li Bajarokê 47 ê rojhilatê Şedadê hate vekirin.

Berdevkê Komîteya Aborî ya Meclisa Navçeya Şedadê Fehed El-Xidêr da zanîn ku 5`ê vê mehê Firina 47 dest bi kar kir û dê nan li xeta rojhilat jî were belavkirin.

Fehed El-Xidêr destnîşan kir ku rojane 2 hezar û 175 torbe nan derdixe, giraniya her torbakî 2 hezar û 200 g, di her torbekî de 14 nan hene û 5 ton ard ji vê firinê re hatiye veqetandin.

Fehed El-Xidêr got vekirina vê firinê barê firinên li Şedadê sivik kir û niha bi şeklekî birêxistinkirî nan li komînên navçeyê belav dikin. El-Xidêr di dawiyê got: "Dê di rojên pêş de li bajarokên Ebdan û Hedadiyê 2 firinên din werin vekirin û pêwîstiya wan dabîn bikin."

(eh)

ANHA