Çalakiya hefteya çandê di roja 5'an de didome

Çalakiya hefteya çandê ya Kevana Zêrîn a herêma Efrînê di roja 5'an de didome.

4 tîrmeh, 2020 18:35

ŞEHBA

Çalakiya hefteya çandê ya ku Tevgera Kevana Zêrîn a herêma Efrînê organize kiriye, di roja 5'an de didome. Çalakî îro li kampa Serdemê ya gundê Til Sosîn a girêdayî navçeya Ehdasê ya kantona Şehbayê bi beşdarbûna bi dehan şêniyan didome.

Çalakî bi deqeyeke rêzgirtin dest pê kir. Endama rêveber a Tevgera Kevana Zêrîn Nebîha Mihemed bi xêrhatina beşdaran kir, behsa fedekariyên jinan û girêdana wan a bi çandê ve kir.

Nebîha Mihemed got: "Jin rolek sereke di parastina çand û şaristaniyê de dilîze."

Koma Avesta ya girêdayî Tevgera Çand û Hunerê stranên şoreşgerî û folklorî, koma Ronahî ya zarokan dîlanên folklorî yên Efrînê pêşkêş kirin.

Endamên Tevgera Kevana Zêrîn Emel Umer û Buharîn Silêman li ser şehîd Zîlan helbest xwendin. Koma Barîn a Tevgera Kevana Zêrîn şanoyek li parastina paqijiya şexsî pêşkêş kir.

Çalakî bi gerandina xelekên govendê bi dawî bû.

Çalakiya sibe wê li gundê Banisê yê Şehbayê were lidarxistin.

ANHA