Li Kobanê Pêşengeha Şêwerkariyê ya 7’emîn

Li Navenda Baqî Xido ya Çand û Hunerê ya bajarê Kobanê Pêşangeha Şêwekariyê ya 7’emîn hat dest pêkirin.

ÇAND Û HUNER

9 îlon, 2026 20:19

KOBANÊ

Îro li Navenda Baqî Xido ya Çand û Hunerê ya bajarê Kobanê Pêşengeha Şêwerkariyê ya 7’emîn bi beşdariya 50 tabloyên ku dîroka Kurdî dineqşîne ji aliya 17 şêwekaran ve hat vekirin.

Pêşengeh bi deqeyek rêzgirtinê dest pê kir, paşê li ser navê Desteya Çandê Hevseroka Desteya Çandê Mîrxan Îsmaîl axivî û wiha got: “Ev pêşengeh bi saya fedakariya ewqas şehîd hat vekirin. Ji bo vê yekê em vê pêşengehê diyarî hemû malbat û zarokên şehîdan dikin.”

Paşê şêwekarên ku beşdarî pêşengehê bûbûn wêneya Şehîd Ziyad Heleb diyarî malbata wî kirin.

Ev pêşangeh bi armanca nîşandana berhemên nûjen û piştevaniya hunermendên ciwan hat organîzekirin.

Di pêşengehê de, berhem û şêwazên Hunerî hatin pêşkêşkirin,

Wêneyên ku herî zêde derketin pêş ev in; berxwedana şervanan, wêneyên şehîdan, wêneyên folklorî yên Kobanê û gelek wêneyên curbicur hatin pêşandan.

Ev çalakiya çandî nîşan da ku eleqeya civakê ji bo hunerê gelekî bilind e û pêdiviya bajar bi zêdetir bûyerên wiha yên hunerî heye.

Piştre spasname ji bo şêwekarên beşdarî pêşangehê bûn hat dayîn.

pêşengeh wê 2 rojan berdewam bike.

(so/f)

ANHA