Têkildarî qirkirina "Sêfo" semînerek hate dayîn

Suryaniyê navçeya Tirbespiyê qurbaniyên qirkirina "Sêfo" bi bîr anîn ku Osmaniyan sala 1915‘an li dijî gelê Suryan, Asur û Kildan pêk anîbû.

15 hezîran, 2020 18:45

QAMIŞLO

Komeleya Çanda Suryan a navçeya Tirbespiyê bi diruşmeya "Înakirina qirkirina Sêfoyê beşdarbûna vî sûcê ye" semînerke li avaiya komeleyê organîze kir. Li kolan û komeleyê mûmên bîranîna qurbaniyên komkujiyê hatin pêxistin.

Malik Mûsa Esmer û mamoste Senherîb Hino semîner dan.

Semînervanan diyar kirin ku dagirkeriya Osmanî li dijî gelên herêmên Kurd, Ereb, Suryan û Asur û pêkhateyên din ên herêmê ên resen gelek komkujî pêk anîn û hîna jî di van siyasetên xwe yên dijberî gelên herêmê de berdewam e.

Her wiha hate gotin ku bêdengiya cîhanî ya li hemberî qirkirina "Sêfo" û komkujiyên din ên ku dewleta Osmanî û neviya wê Tirkiyê li dijî gelan pêk anîne êdî nayê qebûlkirin û hate diyarkirin : "Ev qirkirin hatiye belgekirin û encamên xwe yên çandî, madî û erdîngarî li ser gelê Surya, Asur û Kildan hişt. Bêdengiya dewletan a li hemberî vê qirkirinê ji ber berjewendiyên wan ên bi dewleta Tirk re hene."

Semîner bi nîqaş û bersiva pirsan bi dawî bû.

ANHA