'Tu eleqeya dewleta Tirk bi îslamyetê re tune ye’

Serokê Daîreya Fetwayan a navçeya Şedadê got: "Dewleta Tirk bi navê îslamê, li Bakur û Rojhilatê Sûriyê sûcan dike. Lewma divê hesab jê were xwastin. Tu eleqeya dewleta Tirk bi îslamyetê re tune ye.”

15 hezîran, 2020 05:50

HESEKÊ-BASIM EL-DEXÎL

Ji destpêka aloziya Sûriyê, anku ji 2011`an ve komên çete bi navê îslamê qetilkirin û komkujiyan pêk tînin. Pîroziyên neteweyan hildiweşînin û xizmeta ajandeyên Tirkiyê dikin. Dewleta Tirk a dagirker jî xaka Sûriyê dagir dike û dixwaze nasnameya herêmê ya pirrengî tune bike.

Dewleta Tirk a dagirker ji destpêka şoreşa gelan ve piştgiriya komên çete dike. Çeteyên DAIŞ û Cebhet El-Nusrayê derbasî herêmê kir, da ku plan û ajandeyên xwe pêk bîne. Hewl dide hemû tevgerên demokratîk tune bike. Ji ber dewleta Tirk a dagirker hebûna tevgerên demokratîk li ser dîktatoriya xwe weke xeterî dibîne.

Piştî ku QSD’ê herêmên Bakur û Rojhilatê Sûriyê ji çeteyên DAIŞ’ê rizgar kir, Tirkiyê çeteyên DAIŞ’ê yên mayîn kom kir û navê "Artêşa Niştimanî ya Sûriyê" lê kir. Artêşa behsa mijarê êrişên dagirkerî û qirkirinê anîn ser herêmên Bakur û Rojhilatê Sûriyê.

'DIVÊ HESAB JI DEWLETA TIRK WERE XWESTIN'

Serokê Daîreya Fetwayan a navçeya Şedadê ya kantona Hesekê Ehmed Esad têkildarî mijar axivî û got: “Dewleta Tirk li herêmên Bakur û Rojhilatê Sûriyê li dijî sivîlan, bi taybet jî li dijî jinan sûcan pêk tîne. Divê hesab ji Tirkiyê were xwestin û tuntirîn cezayên navneteweyî lê were birîn.”

Ehmed Esad da zanîn ku dezgehên çapemeniyê û malperên tora civakî sûcên çeteyên Tirkiyê yên li dijî jinan ji revandin, girtin û êşkencekirinê derxistin holê û got: "Di vir de jî mirov pirs dike, gelo çeteyên Tirkiyê bi kîjan heq û qanûnî van sûcan pêk tînin? Dema mirov sûcên dewleta Tirk dibîne, mirov piştrast dibe ku tu eleqeya wî bi îslamyetê ve tune ye. Tenê xelkê di mal û welatên wan de qetil dike.”

Dewleta Tirk girêdana mirovan bi olê îslamê ve bikar anî, lewma bi navê îslamiyetê dest bi kiryar û sûcan kir. Lê armanca dewleta Tirk ew e ku navê ola îslamê xerab bike û sûcên li dijî xelkên herêmê bi kartîne rewa bike.

Ehmed Esad amaje pê kir ku "Ola îslamê ola dilovanî û lêbuhirandinê ye. Îslam ji hemû kiryarên Tirkiyê û çeteyên wê ên terorîst bêrî ye."

Serokê Daîreya Fetwayan a navçeya Şedadê bi lêv kir ku sûcên dewleta Tirk ên li Efrînê isbata nezanîn û cahiliyeta wê ye.

Ehmed Esad di dawiya axaftina xwe got: "Em êrişên bi navê îslmanê yên bi serkêşiya Erdogan tên kirin, şermezar dikin. Em hemû dizanin ku îslam banga rêzdariya cîrantiyê dike."

(eh)

ANHA