Werşeya dirûtinê amadekariya çêkirina maskan dike

Werşe (atolye) girêdayî Nivîsgeha Jinan a Şaredariya Gel a Dêrikê ye û bi belavbûna Koronavîrusê (Covid-19) li piraniya welatên cîhanê re amadekariyên dirûtina maskan dike.

Tevî ku heta niha li herêmên Bakur û Rojhilatê Sûriyê kes bi vîrusê neketiye, lê dîsa jî Rêveberiya Xweser a Bakur û Rojhilatê Sûriyê tedbîran digire û bi vê yekê parastina herêmê ji vîrusê dike.

Vê sibê tîma Şaredariya Gel a Dêrikê bi hevkariya Heyva Sor a Kurd werşe dezenfekte kir. Tê payîn ku di nava çend rojan de werşe dest bi karê xwe bike.

3

Hevserokê Heyva Sor a Kurd ê herêma rojhilat bijîşk Ehmed Şêxmûs got dezenfektekirina vê werşeyê li ser xwesteka Nivîsgeha Jinan pêk hat ku amadekariyên dirûtina maskan dikin. Werşe dê maskan li Hêzên Ewlekariya Hundirîn, komîte û şêniyan belav bike.

Ehmed Şêxmûs her wiha diyar kir ku Heyva Sor a Kurd amade ye ku hemû saziyan dezenfekte bike û çi bikeve ser milê wê dê pêk bînin.

(eh)

ANHA

<iframe width="560" height="315" src="https://www.youtube.com/embed/9q4z3JR7w1c" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>