Hêzên dagirker li Til Temirê sivîlek birîndar kir

Artêşa Tirk a dagirker û komên çete yên girêdayî wê di saetên nîvro de gundê Um El-Kêf ê navçeya Til Temirê dan ber topan. Di encama topbaranê de welatiyê bi navê Xalid Mihemed Îbrahîm (27) birîndar bû, Xalid rakirine Nexweşxaneya Gel a bajarê Hesekê. Li gorî xebatakarên tenduristiyê yên nexweşxaneyê birîna Xalid ne giran e.

Dayika Xalid, Fatima Ziyab ji ANHA‘yê re got: "Saet derdora 12‘an de artêşa Tirk a dagirker gundê me Um El-Kêf topbaran kir. Parçeyên topan li lingê kurê min ket, me yekser ew anî nexweşxaneyê."

Fatima diyar kir ku "Artêşa Tirk a dagirker hema bêje rojane gundê me topbaran dike, malên sivîlan dike. Em nizanin çi ji me dixwaze."

Her wiha di topbarana li ser gundê Um El-Kêf de xeta avê ya ku ji stasyona Elokê diçe Til Temir û Hesekê bû hedef, di encamê de xet ji xizmetê derket.

Tevî bangewaziyên NY‘yê rawestandina çalakiyên leşkerî li dijî vîrusa Koronayê artêşa Tirk a dagirker û çeteyên girêdayî wê gund, navçeyên Serêkaniyê, Til Temirê û herêma Efrînê topbaran dikin.

ANHA

<iframe width="560" height="315" src="https://www.youtube.com/embed/57DptEORnfg" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>