Şehîd Osman Dadelî li Helebê hate bibîranîn

Buroya Yekitiya Demokratîk (PYD) ya Helebê têkoşer Osman Mihemed Dadelî ku yek ji damezrînerên partiyê ye bi bîranîn.

NÛÇE

18 sibat, 2020 15:32

HELEB

Bi wesîleya salvegera 12‘emîn a şehadeta Osman Dadelî ku yek ji damezirandina Partiya Yekitiya Demokratîk e (PYD), Buroya partiyê ya taxa Şêxmeqsûd a Helebê civînek lidar xist.

Civîn li avahiya partiyê ya rojavayê taxê bi beşdarbûna bi dehan endamên partiyê, saziyên sivîl û partiyên siyasî hate lidarxistin.

Piştî deqeya rêzgirtin, Rêveberê Partiya Yekitiya Demokratîk li taxa Eşrefiyê û Suryan Mihemed Hec Rîda li ser jiyana Osman Dadelî û têkoşîna wî axivî.

Mihemed Hec Rîda got, têkoşer Osman gelek caran ji aliyê hêzên rejîmê ve hate girtin, cara dawî piştî lihevkirina di navbera Sûriyê û Tirkiyê de bû û wiha domand: "Şehîd Osman yek ji damezrînerên Partiya Yekitiya Demokratîk e û mîraseyek ji edeolojiya partiyê ye, bi saya têkoşîna wî partî gihişt vê astê. Şehîd Osman digot bêyî pêkanîna wekheviyê di navbera hemû pêkhateyan de û mîsogerkirina mafên wan li Sûriyê çareserî ne pêkan e."

Di dawiya civînê de dirûşeyên "Şehîd namirin" hatin berzkirin.

ANHA