Li Tebqayê ji bo şehîd Newres merasîmek hate lidarxistin

Li Tebqayê ji bo şervanê Hêzên Erka Xweparastinê Newres El-Hemed (Newres Tebqa) yê ku li Serêkaniyê di çarçoveya Berxwedana Rûmetê de şehîd bibû, merasîmeke hate lidarxistin.

11 ÇILE, 2020 14:14

TEBQA

Meclisa Malbatên Şehîdan a Herêma Tebqayê bi merasîmekê şehadeta şervanê Hêzên Erka Xweparastinê Newres El-Hemed (Newres Tebqa) ragihand. Newres Tebqa di 28‘ê Cotmehê de li Serêkaniyê di çarçoveya Berxwedana Rûmetê ya li dijî dagirkeriya Tirk û çeteyên wê de şehîd bibû.

Di merasîmê de şêniyan, şandeyek ji Meclisa Leşkerî ya Tebqayê, Meclisa Sivîl a Tebqayê û endamên Meclisa Malbatên şehîdan sersaxî ji malbata şehîd re xwestin.

Piştî deqeya rêzgirtin, hevserokê Meclisa Malbatên Şehîdan a Tebqayê Mûsa Osman axivî, anî ziman ku xwîna şehîdan tişta herî pîroz e ku ti carî nabe bazirganî li ser wê were kirin. Osman got: "Şehîdan jiyana bi rûmet ji me re afirandin, ew ê wekî semboleke fedayetiyê hert im di bîra me de bin."

Endama Komîteya Têkiliyan a Rêveberiya Jin a Tebqayê Necma El-Ebd jî bal kişand ser rola şehîdan di parastina welat û avakirina jiyaneke bi azad û rûmet.

Piştî axaftinan endama Meclisa Malbatên Şehîdan Emîna Ebdulrezaq nasnameya şehîd radestî malbata waî kir.

Merasîm bi dirûşmeyên "Şehîd namirin" bi dawî bû.

ANHA