Şêniyên Dêrikê sersaxî ji malbata şehîd Sîpan Efrîn re xwest

Bi hezaran şêniyên herêma Dêrikê û navçeyên wê û endamên saziyên parastinê sersaxî ji malbata şehîd Sîpan Efrîn re xwest ku di encama krîza dil de di 22`yê Kanûnê de şehîd bûbû.

NÛÇE

27 kanûn, 2019 12:17

QAMIŞLO

Bi hezaran şêniyên herêma Dêrikê û navçeyên wê, şervanên YPG, YPJ û Hêzên Ewlehiya Hundirîn û Meclisa Malbatên Şehîdan li hola Navenda Şehîd Bawer a Ciwanan kom bûn, da ku sersaxiyê ji malbata şehîd Mihemed Hemo (Sîpan Efrîn) re bixwazin.

Li hola navendê wêneyên şehîd Sîpan û alên QSD`ê û wêneyên şehîdan hatin daliqandin.

Merasîma sersaxiyê bi rêzgirtinê dest pê kir, paşê bi navê Meclisa Malbatên Şehîdan, Desteya Hundirîn a Bakur û Rojhilatê Sûriyê, saziyên parastinê û Kongreya Star axaftin hatin kirin.

Axaftvanan sersaxî ji malbata şehîd re xwest û qala têkoşîna şehîd Sîpan ku jiyana xwe ji bo doza gelan da, kir. Her wiha axaftvanan got şehîd Sîpan Efrîn beşdarî hemû eniyên şer ên li dijî faşîzma Tirk û çeteyên wê bû, ew sembola rastiyê bû û bi hezkirina xwe ji gel û doza xwe re dihat naskirin.

Piştî axaftin bi dawî bûn, nasnameya şehîd hate xwendin û radestî malbata wî hate kirin.

(jo)

ANHA