Cilên zivistanî li koçberên kampa Vegerê hatin belavkirin

Heyva Sor a Kurd û Yekitiya Berhemdaran cil li koçberên kampa Vegerê ya navçeya Şêrawa ya Efrînê belav kirin.

NÛÇE

1 kanûn, 2019 15:33

ŞEHBA

Yekitiya Berhemdarên Helebê ya taxa Şêxmeqsûd di 27‘ê Mijdarê 7 hezar û 500 parçeyên cilên zivistanî ji bo koçberên Efrînê re şandibû.

Heyva Sor a Kurd û rêveberiya kampê cilên hatine şandin li koçberên kampa Vegerê ya navçeya Şêrawayê belav kirin.

Der barê mijdarê de Rêvebera Yekitiya Berhemdarên Helebê Alîf Aslan got: "Wekî Yekitiya Berhemdarên Helebê bi hatina zivistanê re me alîkarî pêşkêşî şêniyan kir. Şênî di konan de ne û zivistanî hatiye tu rêxistin nîne alîkariya koçberan bike."

Alîf bi bîr xist ku bi vekirina dibistanan re wan bi diruşma "Bi pênûsa xwe ez ê biserkevin" pêwîstiyên dibistanê ji çente, pênûs û lênûs li xwendekaran belav kir û îro jî 7 hezar û 500 parçeyên cilên zivistanî belav kirin, ji 4 hezar û 500 cilên dibistanan, serwal, kumên zarokan, derdora 3 hezar cilên jin û bêbikan belav kirin.

Endama rêveber a rêxistina Heyva Sor a Kurd, Ancêla Reşo jî got: "Em bi Yekitiya Berhemdarên Heleebê re alîkariyên mirovî belav dikin. Heta niha ti rêxistinên cîhanî alîkarî neşandine."

ANHA