‘Ji bo wefedariya bi şehîdan re divê armancên wan werin pêkanîn‘

Bi wesîleya 18‘ê Gulanê Roja Şehîdan, Meclisa Malbatên Şehîdan a Herêma Efrînê merasîmek li navçeya Ehdasê li dar xist.

Merasîm bi rêzgirtin dest pê kir. Endama Meclisa Malbatên Şehîdan Xedîce Îbo axivî û got: "Her çeqas em li ser şehîdan bi axivin û binvisînin em nikarin mafên wan bidin. Gotin li beramberî keda ku dane kêm dimîne. Lê ji bo wefedariya bi wan re divê em xeta wan temam bikin û armancên wan bi cih bînin."

Hevserokê Partiya Yekîtiya Demokratîk (PYD) Şahoz Hesen di merasîmê de axivî û got: "Dema Ocalan dest bi têkoşîna xwe kir got em dest bi şoşreşa ji bo tevahî mirovahiyê dikin."

Hesen destnîşan kir ku hêzên kapîtalist civaka mirovahî dike hedef û wiha domand: "Ji destpêka damezirandina tevgera rizgariya Kurdistanê û heta roja me ya îro têkoşîna belafkirina fikrê netewa demokratîk tê kirin. Civakên ku tê de nirxinên jiyana hevbeş û netewa demokratîk li pêş be, ew civak ji aliyê hêzên kapîtalist ve tê hedefkirin, ji ber ku li ev hêzan mirovek azad û exlaq qebûl nakin û dixwazin civakê ji cewherê wê derxînin."

Di merasîmê de Koma Şehîd Engîzek û hunermend Henan Seydo stranên şoreşgerî gotin. Helbestvan Mihemed Welîd jî helbestek li ser şehîdan got.

Merasîm bi diruşmeyên "Şehîd namirin" bi dawî bû.

ANHA