Meclisa Sendîqeya Endizyarên Reqayê hate avakirin

Duyemîn Konferansa Odeya Endizyarên Reqayê bi dirûşmeya "Bi keda endizyarên xwe em ê Reqaya xwe ava bikin" hate lidarxistin.

27 nîsan, 2019 15:06

REQA

Odeya Endizyarên Reqayê duyemîn konferansa xwe duyemîn bi beşdarbûna 93 endizyaran ji beşên cûda û hevseroka Meclisa Sivîl a Reqayê Leyla Mustefa li Hola Tac a navenda bajêr li dar xist.

Konferans bi deqeya rêzgirtin destpê kir. Paşê endamê saziyên civaka sivîl Macid Ebdî axivî, bal kişand ser rewşa avabûnê li Reqayê û got: "Rewşa avabûn û xizmetguzarî li bajarê Reqayê piştî rizgarkirinê ji sedî 85 pêk hat. Ev hemû berhemên xwîna şehîdan e, lê erka herî mezin a ji nû ve avakirina bajêr dikeve ser milê endizyaran."

Paşê rêziknameya odeyê hate xwendin û bendên wê ji aliyê beşdaran ve hatin nîqaşkirin. Piştî nîqaşan û hin guhertinan ji aliêy beşdaran ve hate erêkirin.

Her wiha 12 rêveberên meclisê ji wan hevserok hatin hilbijartin. Hevserok Wela El-Xeşab û Muhened El-Şamî, rêveber jî "Esed El-Mustefa, Hesen El-Ebdo, Seed El-Şêx, Abdullah El-Umer, Mihemed Salo, Îsa El-Esaf, Mihemed El-Ebd, Ûsama Mihemed, Sedam Şihab).

Kongre bi ragihandina Meclisa Sendîqeya Endizyarên Reqayê bi dawî bû.

ANHA