Şêniyên Dêrazorê şehîdên xwe oxir kirin

Bi sedan xelkên bajarokê Bisêra û gundewarên wê cenazeyê şervanên QSD‘ê Xesan Salim El-Ubeyd (Ebdulqadir), Hanî El-Hisên (Şahir), Wehîb Xenam El-Elî (Nemir Derenc), Elî El-Mihemed (Ehmed Bûkemal), Elî El-Xezwê yên 18‘ê Adarê di Pêngava Bagera Cizîrê de û endamê Hêzên Ewlekariya Hundirîn Ehmed El-Îbrahîm ê dema erka xwe pêk di anîn şehîd bûn ji ber çerxerêya Sebha wergirtin û bi kerwanekî ber bi goristana Şehîd Hanî El-Hesen a bajarokê Bisêrayê ketin rê.

Li goristanê deqeyeke rêz hate girtin û merasîma leşkerî ji aliyê şervanê QSD‘ê ve pêk hat.

Ji fermandarên QSD‘ê Hisên El-Hemadî sersaxî ji malbatên şehîdan re û soza şopandina rêya şehîdan da.

Endamê Hêzên Ewlekariya Hundirîn Mihemed Xelef El-Ebûd û endama Meclisa Malbatên Şehîdan Mihemed El-Hesen jî axivîn, sersaxî ji malbatên şehîdan re xwestin û soza parastina destkeftiyên şehîdan û parastina ewlehiya herêmî da.

Meclisa Malbatên şehîdan şehadeta şervanê QSD‘ê Îhab El-Ewacî (Herhût) ê di 20‘ê Adarê de di Pêngava Şerê Tinekirina Terorê de û endamê Hêzên Ewlekariya Hundirîn Ebdulezîzî El-Hesen ê di 28‘ê Sibata 2019‘an de şehîd bûn, eşkere kir.

Nasnameyên şehîdan hatin xwendin û radestî malbatên wan hatin kirin.

Cenazeyê 6 şehîdan di nava diruşme û tilîliyên dayikan spartin axê.

ANHA