‘Divê kesên destên wan di xwîna jinên êzidî de hene werin darizandin‘

HELEB

Di êrîşên DAIŞ`ê yên Tebaxa 2014`an li ser Şengalê de ji bilî kuştina êzidiyan, bi hezaran jinên êzidî hatin revandin. QSD`ê di pêngavên rizgarkirina herêmên Bakur û Rojhilatê Sûriyê de bi sedan jinên êzidî rizgar kirin.

Girêdayî mijarê bi dehan jinên êzidî yên taxa Şêxmeqsûd li ber Mala Êzidiya ya li beşa Rojavayê taxê kom bûn û daxuyanî dan raya giştî. Jinan di daxuyaniyê de banga lêgerîna jinên êzidî yên windayî kirin.

Daxuyanî ji hêla endama rêveber a Koordînasyona Jin a Mala Êzidiya ya Helebê Ranya Cafer ve hate xwendin. Daxuyanî wiha ye;

Gelên bindest ji bo azadiya xwe tê dikoşin û ji bo wê fedekarî kirin. Têkoşîna siyasî mîna têkoşîna çekdarî tevgereke girîng e, siyaset bêyî ku hêzek wê biparêze hebe ne pêkane. Tevgera me hêza xwe ji berxwedana girtiyan di girtîgehên dîktetoriyê de digire.

YPJ û YPG`ê bi berxwedana xwe hovantirîn hêzên terorîst û tarî şikandin. Lê dîsa jî pergalên zordest hîna bi çaranûs û hêviya gelê me dilîzin. Ji ber wê berxwedan li girtîgehên Amedê destpê kir û Leyla Guven çalakiya greva birçîbûnê ya bê dem û bê dor veger li hember wan pergalan ragihand.

Ev tişt ji jinê ne dûr e, ji ber ku vîna û berxwedana xwe ji berxwedana rêberê me li Îmraliyê digire. Li hember wê vînê tevahiya cîhanê di nav tirs û matmayînê de ye. Serjêkirina 50 jinên êzidî isbata tirs û xofa wan ji jina Kurd e.

Hîna jî qêrînên jinên êzidî yên Şengalê mîna kêrekî di dilê me de ye, em dengê qêrînên wan li Baxozê dibihîzin û ew li ser destên DAIŞ`ê têne serjêkirin. Ruxmî vê jî rêxistinên hiqûqî ker in yan jî xwe ker kirine.

Em van kiriyên sûcdar şermezar dikin. Em bang li tevahiya rêxistinên mirovî û têkildar dikin ku li rex wan jinên ku hîna di destên DAIŞ`ê de bisekinin û li jinên winda bigirînin û vegerînin malbatên wan. Her wiha em bang dikin ku her kesê destê wan di kuştina jinên êzidî de hene di serî de Erdogan destgirê DAIŞ`ê werin darizandin."

(şx)

ANHA