Ciwanan di roja sêyemîn de rêyên çareseriya pirsgirêkên herêmê nîqaş kirin

KOBANÊ

Îro xebatên roja sêyemîn a Duyemîn Konferansa Ciwanên Rojhilata Navîn ku li bajarê Kobanê tê lidarxistin, pêk tê. Tê de bi sedan ciwanên ji welatên Rojhilata Navîn û herêmên Sûriyê beşdar dibin.

Endamê Tevgera Guhertinê Îsmaîl Henan di konferansê de axivî û wiha got: "Em ciwan dikarin bibin pêşeng û xwedî biryar bin û di hemû helwestan de hebin û beşdarî pêşniyarên çareserkirinan û pirsgirêkên Rojhilata Navîn bibin. Silavekê ji ciwanên şoreşger li hemû Rojhilata Navîn re ku dixwestin beşdarî konferansê bibin û sîstemên dîktator û desthilatdar nehiştin bên vir, dişînim. Em soz didin ku em ê bi biryarên layiqî ciwanên Rojhilata Navîn bidin. Ez dixwazim bibêjim ku hin sîstemên desthilatdar dixwestin vê konferansê têk bibin, em ê îsbat bikin ku em dikarin Rojhilata Navîn ji vê aloziyê derxin."

Paşê yek ji endamên Rêveberiya Tevgera Ciwanên Şoreşger a Sûriyê Seydo Başûr destnîşan kir ku hin dewlet dixwazin tevgerên şoreşger li bajarên Rojhilata Navîn tune bikin û wiha domand: "Gelek dewletên ku ketin bajarên Rojhilata Navîn temenê wê dan, bi hemû awayî xwestin tevgerên şoreşgerî tune bikin."

Tê payîn ku konferans piştî çend seatan bi dawî bibe.

(jo)

ANHA