Li Serêkaniyê 30 kes tev li Akademiya Tenduristiyê bûn

HESEKÊ

Bi armanca pêşxistina beşa tenduristiyê li herêmên Bakur û Rojhilatê Sûriyê, Akademiya Tenduristiyê ya Rojava ya li Serêkaniyê ya kantona Hesekê, dewreya 4’emîn bi navê "Dewreya Şehîd Ezîz Foral" vekir.

30 endam ji hemû herêmên Bakur û Rojhilatê Sûriyê tev li perwerdeyê bûn. Dewre dê 6 mehan bidome. 2 mehên destpêkê dê waneyên bîrdozî li ser girîngiya pewerde, têgeha neteweya demoratîk û azadiya jinan bê dayîn. Piştre, waneyên teorîk û waneyên der barê pisporiya tenduristiyê de dê werin dayîn.

Ji rêveberiya akademiyê Zafîn Şawîş destnîşan kir ku xebatkirin di aliyê tenduristiyê de karekî mirovî ye û armanc ji vekirina van dewreyan avakirina kadroyên tenduristiyê ye da ku xizmeta civakê bikin.

Ji aliyê xwe ve xwendekar Ahîn Mihemed ku tev li perwerdeyê bûye, got armanca wê ew e ku xizmeta civakê bike û beşa tenduristiyê bi pêş bixe.

Hêjayî gotinê ye ku piştî bidawîkirina perwerdeyê her endamek dê li nexweşxane, kamp û noqteyên tenduristiyê yên li tevahiya Bakur û Rojhilatê Sûriyê werin erkdarkirin.

(fr)

ANHA