Li Dêrazorê çete xwe radestî QSD’ê dikin

Piştî ku duh 5 zarokên di nava çeteyên DAIŞ`ê de ku navê "Eşbal El-Xîlafe" li wan kirine, xwe radestî hêzên QSD’ê kir, îro jî hejmareke çeteyên DAIŞ’ê ku bi eslê xwe ji Iraqê ne, xwe radestî şervanên QSD`ê kir.

NÛÇE

7 sibat, 2019 08:46

DIYAR EHMO / DÊRAZOR

Pêngava dawîn a hemleya Bagera Cizîrê ya bi navê Şerê Tunekirina Terorê ku QSD’ê li dijî çeteyên DAIŞ’ê dabû destpêkirin, li gundewarên Dêrazorê berdewam e. Şervanên QSD`ê li gundewarên Dêrazorê quncikên dawîn ên çeteyên DAIŞ’ê dorpêç kirine. Rojane hejmarek ji çeteyan xwe radestî şervanên QSD`ê dikin. Her wiha şervanên QSD`ê korîdorên ewle vedikin da ku sivîlan ji herêmên di bin dagirkeriya çeteyên DAIŞ`ê de rizgar bikin.

Îro dema ku sivîl ji ji herêmên di bin dagirkeriya çeteyên DAIŞ`ê yên Baxoza Jorîn de direvîn, hin çeteyên ku bi eslê xwe ji Iraqê ne, xwe radestî şervanan kirin.

Duh jî 5 zarokên di nava çeteyên DAIŞ`ê de ku ji aliyê tîmên taybet ên çeteyên DAIŞ`ê ve dihatin perwerdekirin ku navê "Eşbal El-Xîlafe" li wan dikin, xwe radestî şervanên QSD`ê kir. Temenên wan di navbera 14 – 15 saliyê de ne.

Buroya Ewlehî û Agahiyan a girêdayî Hêzên Ewlekariya Hundirîn a bajarê Dêrazorê, çete veguhestin cihekî taybet da ku lêpirsînê bikin.

(bx/bm)

ANHA