‘Kombûna Malbatên Babê gavek erênî ye’

ŞÎLAN MIHEMED - SELWA EBDULREHMAN / MINBIC

Girêdayî geşedanên dawî ku li bajarê Babê rû didin, wekî avakirina Kombûna Malbatên Bajarê Babê, serhildana şêniyên bajêr li hember binpêkirinên artêşa Tirk a dagirker û çeteyên wê, fermandarê Meclisa Leşkerî ya Babê Cemal Ebû Cuma ji ajansa me re axivî.

Cemal Ebû Cuma di destpêka axaftina xwe de wiha got: "Komên çete di bin banê dagirkeriya Tirk de gelek binpêkirinan der heqê şêniyên herêmên ku dagir kiriye de pêk tînin. Avakirina şêniyan kombûneke sivîl e ku banga maf û daxwazên şêniyên Babê dike, di rêvebirina herêmên xwe de, bersiveke bi hêz e li hember binpêkirinên Tirkiyê der heqê wan de."

Cemal Ebû Cuma destnîşan kir ku malbatan di civînê de diyar kir ku ew êdî binpêkirinên dagirkeriya Tirk û çeteyên wê qebûl nakin û wiha dewam kir: “Malbatan bi awayekî zelal û eşkere bi rêya bendên kombûnê ragihand ku ew ê bûyerên revandin, talankirin û kuştinê bi dawî bikin û dê jiyaneke birûmet ji xwe re biafirînin.”

Cemal Ebû Cuma avakirina Kombûna Malbatên Bajarê Babê wek gaveke erênî li dijî binpêkirinên dagirkeriya Tirk û çeteyên wê bi nav kir. Cermal Ebû Cuma destnîşan kir ku ev jî nîşaneya hişyariya gel, raperîna wan li dijî zilmê ye û wiha pê de çû:" Şênî tê gihîştin ku eger hevgirtina xwe ava nekin, gotinên xwe nekin yek û tecrubeya herêmên Bakur û Rojilatê Sûriyê wek nimûneyekê ji bo bigihîjin azadî û rûmetê nepejrînin, dê nekarin ji dagirkeriyê xilas bibin.”

Fermandarê Meclisa Leşkerî ya Babê Cemal Ebû Cuma bang li şêniyên bajarê Babê kir ku yekrêzî û hevgirtina xwe xurt bikin û dagirkeriyê biqewirînin û wiha bo dawî kir: "Ev ax axa me ye, em dest jê bernadin. Em ê berxwedana xwe li hember dagirkeriya Tirk û komên çete yên girêdayî wê heta rizgarkiria xaka xwe ji wan, bidomînin.”

(şx)

ANHA