Şêniyên Dêrazorê şehîdên xwe spartin axê

DÊRAZOR

Bi sedan şêniyên bajaroka Bisêra, Şihêl, endamên Meclisa Malbatên Şehîdan, Meclisa Leşkerî ya Dêrazorê cenazeyê şervanên QSD‘ê Mihemed Îsmaîl El-Mihemed (Bahoz Mergeda), Ehmed El-Cabir (Ceger) û Mihemed El-Îsa (Mûrad) ên ku 10‘ê Çileyê  di Pêngava "Şerê Tinekirina Terorê" de şehîd bibûn ji têketina bajaroka Bisêra ya gundewarê Rojhilatê Dêrazorê wergirtin û ber bi kerwanekî erebeyan ber bi Goristana Şehîd Hanî El-Hesen ve bi rê ketin.

Merasîm di deqeya rêzgirtin dest pê kir. Bi navê Meclisa Malbatên Şehîdan endama rêveber a meclisê Sûha El-Mihemed sersaxî ji malbatên şehîdan re xwest û got, şehîd sax in tu carî namirin.

Bi navê Meclisa Sivîl a Dêrazorê Salih Umner jî axivî û sersaxî ji malbatên şehîdan re xwest û got "Şehîd pêşengên me yên manewî ne, ji bo jiyaneke azad û bi rûmet cane xwe feda kirin."

Di merasîmê de Meclisa Malbabatên Şehîdan nasnameya şehîdên QSD û Erka Xweparastinê eşkere kir "Ehmed El-Elî, Faris Ecac, Ehmed Rehma, Ehmed El-Ehmed, Îsmaîl El-Abdullah, Welîd El-Nebir, Yûsif Selame, Arif El-Esaf, Hisên Mûsa, Raîd El-Selman, Hisên El-Xidêr, Reslan El-Şahûz, Îsmaîl El-Xelîfa û şervanê Erka Xweparastiniê Bedir Ewad ku 28‘ê Kanûna 2018‘an şehîd bibûn eşkere kir.

Nasnameyên hemû şehîdan hatin xwendin û radestî malbatên wan hatin kirin.

Paşê cenazeyê hersê şehîdan li goristana Şehîd Hanî El-Hesen a bajaroka Bisêra hatin veşartin.

ANHA