Dîsa li Kobanê û gundewarên wê lehî

Piştî barana zêde ya ku li herêma Firatê li Kobanê lehî rabû. Piştî barana zêde ya di saetên dawî de kolanên bajêr tijî av bû.

CIVAK Û JIYAN

28 kanûn, 2018 07:22

KOBANÊ

Di nava salê de ev cara duyemîn e ku li bajarê Kobanê ji ber barana zêde lehî radibe. Bi taybet li taxa Botan a dikeve rojavayê bajêr av nêzî metreyekî bilind bû.

Di nava 32 saetên dawî de ji ber barana zêde lehî li bajêr û gundewarên wê çêbû.

Herêma ku herî zêde ji baranê bandor bûyî bajarokê Şêran ê dikeve rojhilatê bajarê Kobanê. Ji sedî 60’ê bajarok di nava avê de maye. Av nêzî 80 santîmetrî bilind bû û derbasî bi dehan malan bû.

Ji ber lehiyê yek ji pirên bi çûk ê rojavayê bajarê Kobanê ku dikeve ser rêya Cerablusê xirab bû û rê bi temamî hate girtin. Lê tu ziyanên mirovahî çênebûne.

Hêjayî bi bîr xistinê ye ku beriya demekê li bajarê Kobanê lehiyek rabû. Di encama wê de 5 welatiyan jiyana xwe ji dest dan û bi dehan malên bajarokê Qenaya û taxa Botan hilweşiyan. Her wiha şaredariyê diyar kir ku ji derveyî malên ku xirab bûyîn, zerara ku çêbûyî nêzî 500 mîlyon lîreyên Sûriyê ye.

(bx)

ANHA