Di bostaneke biçûk de hevkariya şêniyên Efrînê

SOLÎN REŞÎD / ŞEHBA

Şêniyên Efrînê di encama êrîşên artêşa Tirk a dagirker û çeteyên girêdayî wê de neçar man ji malên xwe derkevin û li Şehbayê bi cih bûn. Şêniyên Efrînê berxwedana xwe li herêmên Şehbayê didomînin. Şêniyan xwe bi rêxistin kir û di hemû warên jiyanê de hekariya hev dikin.

Dayika Seda Xelîl ji gundê Meimala yê girêdayî navçeya Mabatayê li kantona Efrînê ye û li Şehbayê li ber xwe dide. Seda Xelîl dayika 6 zarokan e û hemû li Kampa Berxwedan dimînin. Dayika Seda di qadeke biçûk de sebzeyên zivistanê çandinine û şêniyên Efrînê ku li kampê dimînin, beyî berdêl sûd ji bostana wê digirin û pêdiviyên xwe jê peyda dikin.

Têkildarî mijarê dayika Seda tekez kir ku şêniyên Efrînê li Şehbayê bi her awayî li ber xwe didin û jiyana hevpar temsîl dikin. Her wiha diyar kir ku bi keda xwe qadeke biçûk ji xwe re diyar kirine û ji bo alîkariya şêniyan li gel paşguhkirina rêxistinên mirovî ji rewşa wan re sebzeyên zivistanê çandinine û wiha domand: "Em li vir li ber xwe didin û heta rizgarkirina Efrînê û vegerê em ê li ber xwe bidin."

Girêdayî heman mijarê jina bi navê Fayze Şêxo ku li heman kampê dimîne, wiha got: "Çawa em li Efrînê dijîn, niha li vir li kampê li ser bingeha jiyana hevpar û biratiya gelan em dijîn."

Fayze destnîşan kir ku ji bo peydakirina pêdiviyên xwe yên rojane her kes li gorî hêz û karîna xwe dixebite û alîkariya hev dikin.

(şx)

ANHA