Bi hezaran sersaxî ji malbata şehîd Avesta Qehreman re xwest

ŞEHBA

Konê sersaxiyê li gundê Dêr Cemalê yê navçeya Şêrawa ya kantona Efrînê hatibû vedan.

Bi hezaran şêniyên Efrînê û Şehbayê ji saetên destpêkê yên sihebê berê xwe dane bin kon û sersaxî ji malbata şehîd re xwestin

Merasîma sersaxiyê bi deqeya rêzigirtin destpê kir. Paşê endamê rêveber ê Meclisa Malbatên Şehîdan Receb Mistefa sersaxî ji malbata şehîd xwest.

Her wiha hevseroka Desteya Aborî ya Kantona Efrînê Muşîre Mele Reşîd axivî û behsa komploya navdewletî û tecrîda giran ku li Rêberê Gelê Kurd Abdullah Ocalan hatiye ferzkirin kir û got: "Dewleta Tirk bi rêya ferzkirina tecrîdê dixwaze Ocalan ji gel dûr bixe."

Ji aliyê xwe ve hevserokê Meclisa Kantona Şehbayê Îmad Dawûd got, gelên Rojhilkata Navîn û taybet gelê Kurd ji berê ve ji bo xilasiya ji koletiyê li ber xwe dide. Niha ew gel li ser fikr û felsefeya Ocalan dimeşin û ji bo azadiya wî têdikoşin.

Paşê endama rêveber a Tevgera Civaka Demokratîk a navçeya Şêrawayê Esmehan Hesen axivî û got: "Gelê Kurd bi şehîdên xwe tê naskirin. Ji ber ku şehîd ji bo azadiya welatê xwe û rizgariya wî canê xwe feda dikin."

Axaftvanan soza şopandina rêya şehîdan ta pêkanîna armancên wan dan.

Piştî bidawîbûna axaftinan endama rêveber a Komîteya Perwerdeya Civaka Demokratîk Şêrîn Silêman wesîqeya şehadetê xwend û radestî malbata wê kir.

Merasîm bi berzkirina dirûşmeyên dilsoziya bi şehîdan re û azadiya Ocalan bi dawî bû.

(şx)

ANHA