Pêşangeha Şopdarên Rojê li Helebê hate vekirin

Pêşangeha Şopdarên Rojê ya wêneyan îro li taxa Şêxmeqsûd a Helebê hat vekirin.

ÇAND Û HUNER

30 mijdar, 2018 19:48

HELEB

Navenda Şopdarên Rojê wêneyên ku ji şervanên hêzên leşkerî yên li eniyên şer kişandine û zarokên herêmên Bakurê Sûriyeyê û herêma Cizîrê pêşkêş dike. Piştî pêşandina wêneyan Cizîrê û herêma Firatê navendê pêşangeha xwe îro hola civînan a taxa Şêxmeqsûdê ya Helebê vekir.

Ji saetên sibehê ve bi dehan welatiyên taxê berê xwe dan pêşangehê û di nava pêşangehê re geriyan.

Di pêşangehê de bêtirî 100 wêne hatine pêşandan û têde rastiya berxwedan û têkoşîna welatiyên Bakur û Rojhilatê Sûriyeyê di aliyên leşkerî, civakî û çandî vedibêje. Di pêşangehê de beşekî taybet ji bo wêneyên Berxwedana Serdemê ya Efrînê û Reqayêhate veqetandin.

Di nava çalakiyên pêşangehê de sînavîzyonek der barê Berxwedana Serdemê ya Efrînê û berxwedana Şêxmeqsûdê de hate pêşandan û têde hovîtiya artêşa Tirk a dagirker û komên çete yên girêdayî wê li dijî welatiyên Efrînê û taxa Şêxmeqsûdê û qehremantiya şervanan a li hemberî êrîşan vedibêje.

Çalakiyên pêşengeha di 27‘ê Îlonê de destpêkirin û li gelek deverên herêmê Cizîrê û Firatê hatin pêşandan.

ANHA