Komîteya Xizmetguzarî li Dêrazorê xebatên xwe didomîne

Komîteya Xizmetguzarî ya Meclisa Sivîl a Dêrazorê li gundewarên rojhilat û rojavayê bajêr gelek proje pêk anîn û bi nêzîkbûna zivistanê re xebatên xwe zêdetir kirin.

CIVAK Û JIYAN

7 mijdar, 2018 09:34

DÊRAZOR

Komîteya Xizmetguzarî ya Meclisa Sivîl a Dêrazorê hewl dide beriya zivistanê gelek projeyên xizmetguzariyê pêk bîne. Komîteyê gelek alavên giran di demeke nêz de sererast kirin ku bikarin di projeyên mezin de bidin bikaranîn û binesaziya bajarok û gundan sererast bikin.

Komîteyê şebekeyên kanalîzasyonê li bajarokên El-Besîre û Hecînê, li gundên rojhilat û Mihêmdiyê û El-Sûrê sererast kirin. Her wiha boriyên avê jî sererast kirin ku ji ber teqandina mayin û kanalan şebekeya avê ji sedî 70 hatibû rûxandin.

Der barê mijarê de komîteya sererastkirinê, karê rêya Hîmar El-Elî ku di navbera rêya giştî û malên şêniyan de ye, bi dawî kir. Her wiha rêya gundê Hîmar El-Kesra hate sererastkirin. Di planên komîteyê de heye ku xeta Ebo Xeşeb û gundên Cirwan ku tevgera çûn û hatinê lê zêde ye, were sererastkirin.

Şêniyên herêmê spasiya aliyên pêwendîdar kir ku kedeke mezin da û zehmetiyên ku rastî wan dihatin, çareser kirin.

Endamê rêveberiya Komîteya Xizmetguzarî ya girêdayî Meclisa Sivîl a Dêrazorê Hemed El-Fehed ji ajansa me re diyar kir ku werşeyên girêdayî komîteyê bê navber kar dikin da ku rêyan sererast û fireh bikin.

(jo)

ANHA