Mijarên îro rojnameyên erebî behsê kirine ev in

NAVENDA NÛÇEYAN

Rojnameyên erebî yên îro hatine çapkirin behsa rewşa dawî ya devera bêçek a li derdora parêzgeha Idlibê kirin û bal kişandin ser meşandina dewriyetên Amerîka li Bakurê Sûriyeyê. Rojnameyan her wiha behsa xebatên avakirina komîteya destûrî ya Sûriyeyê kirin. Rojnameyan bal kişandin ser rewşa dawî ya Yemenê û xebatên avakirina hikûmeta Îraqê û geşdanên hevpeymana di navbera Hemas û Îsraîl û cezayên Amerîka li ser Îranê.

Girêdayî mijara êrîşên artêşa Tirk a dagirker li dijî herêmên Bakurê Sûriyeyê rojnameya El-Ereb behsa meşandina dewriyetên Amerîka li sînorê Bakurê Sûriyeyû kir û manşêteke xwe wiha bi nav kir: "Ji bo rêgirtina li pêşiya êrîşên Tirkiye li dijî Kurdan Amerîka dewriyetên xwe li Bakurê Sûriyeyê dide meşandin."

Der barê rewşa li parêzgeha Idlibê de rojnameya El-Heyat behsa binpêkirina hevpeymana di navbera Tirkiye û Rûsyayê de li devera bêçek a Idlibê kir û manşêteke xwe wiha bi nav kir: "Şam rêxistinên terorîst bi binpêkirina agirbesta li Idlibê tewanbar dike".

Girêdayî mijareke din a Sûriyê rojnameya Şerq El-Ewsat behsa xebatên avakirina komîteya destûrî kir û manşêteke xwe wiha bi nav kir: "Şandeyê Pûtîn li Şamê û Tehranê ji bo çareserkirina girêka komîteya destûrî."

Der barê aloziya Yemenê de jî rojnameya El-Ereb behsa rewşa leşkerî li bajarê El-Hudeyda kir û manêşteke xwe wiha bi nav kir: "Devera eniya pêşên di navbera hêzên Yemenê û Hosiyan de hildiweşe û vegerandina El-Hudeyda nêzîk bûye."

Rojnameya Şerq El-Ewsat jî li ser navê serokê Yemenê Ebid Rebo Mensûr El-Hadî diyar kir ku çalakiyên leşkerî li Sehda heta rizgarkirina peytextê Senha dê berdewam bibin û manşêteke xwe wiha bi nav kir: "Hadî; Em ê alê li Meran bilind bikin û Senha rizgar bikin".

Girêdayî mijarên Îranê rojnameya El-Ereb manşêteke xwe wiha bi nav kir: "Guhertinên di enerjiya berhemdayînê û rêjeyên wê li Kendavê amadekariyên cezayên li ser Îranê ne."

Rojnameya El-Heyat jî manşêteke xwe wiha bi nav kir: "Zîrevanên Şoreşgerî gefan li berjewendiyên leşkeîr yên Amerîka dixwe".

Der barê xebatên çalakiya siyasî ya avakirina hikûmeta Îraqê de rojnameya El-Ereb manşêteke xwe wiha bi nav kir: "Aloziyeke nû gefan li Îraqê dixwe ji ber ku avakirina pêkhatebûna wezaretan hatiye astengkirin."

Rojnameya El-Heyat jî behsa rewşa ewlehî ya Îraqê kir û manşêteke xwe wiha bi nav kir: "riyên veguhestina pereyan ber bi Mûsilê ve li rex qedexekirina alûgoran".

Girêdayî mijarên Filistînê jî rojnameya Şerq El-Ewsat behsa danûstandinên di navbera Tevgera Hemas û hikûmeta Îsraîl de kir û manşêteke xwe wiha bi nav kir: "Hemas xwepêşandanên rojên Înê ji biriyara rawestandina xwepêşandanan cûda dike û soza aştîbûna wan dide."