Gelê Qamişlo sersaxî ji malbata şehîdê Şerê Tunekirina Terorê re xwest

Şêniyên navçeyên Girkê Legê, Çilaxa û Til Koçerê sersaxî ji malbata şehîdê QSD'ê Sedam El-Mihemed re xwest.

NÛÇE

22 cotmeh, 2018 11:59

QAMIŞLO

Bi sedan şêniyên navçeyên Girkê Legê, Çilaxa û Til Koçerê yên Qamişlo, şervanên YPG û Hêzên Ewlekariya Hundirîn berê xwe da konê sersaxiyê yê şervanê Hêzên Sûriya Demokratîk (QSD) Sedam Mihemed (Azad Dêrik) ku di Şerê Tinekirina Terorê de şehîd bûbû û sersaxî ji malbata şehîd re xwest.

Merasîmê bi deqeyeke rêzgirtinê dest pê kir, paşê fermandarê QSD'ê Mihêdîn Xêrkî axivî û wiha got: "Em sersaxiyê ji malbata şehîd Sedam û hemû şehîdan re dixwezin, em ê li ser rêya şehîdan bimeşin û soza xwe li hemberî gel nû dikin ku em ê gelê xwe ji her cure êrîşan biparêzin."

Her wiha endamê Rêveberiya Meclisa Malbatên Şehîdan Mehmûd Seîdî axivî û sersaxî ji malbata şehîd re xwest û wiha got: "Silavek ji malbata şehîd re ku xwîna xwe ji bo welat da, bi saya lehengiya şehîdan me teror ji herêma xwe derxist, em ê bi hemû hêza parastina destkeftiyên ku şehîdan ji bo wê canê xwe feda kir, bikin."

Paşê wesîqeta şehîd hate xwendin û radestî malbatê hate kirin. Merasîm bi dirûşman bi dawî bû.

(jo)

ANHA