Navenda Meclisa Dîwana Dada Civakî ya Reqayê hate vekirin

REQA

Meclisa Dada Civakî bi armanca pêkanîna pîvanên dada civakî, wekhevî û çaresrkirina pirsgirêkan îro li bajarê Reqayê Meclisa Dîwana  Dada Civakî, vekir.

Endamên Meclisa Dada Civakî yên herêma Cizîrê, Kobanê, Minbicê, Dîwana Dada Civakî ya Tebqa û Kerame, rûspiyên êlên herêmê, Hevsroka Meclisa Sivîl a Reqayê Leyla Mustefa, nûnerên Meclisa Sûriya Demokratîk (MSD), Saziya Malbatên Şehîdan û bi dehan şêniyên bajar beşdarî merasîma vekirinê bûn.

Merasîm bi rêzgirtin dest pê kir. Paşê axaftin ji aliyê Hevseroka Meclisa Sivîl a Reqayê Leyla Mustefa, Cîgirê Hevserokatiya MSD`ê Gabiryêl Şamûn, Serokê Dîwana Dada Civakî ya Reqayê Xelef El-Şam ve hatin kirin.

Di axaftinan de salvegera yekemîn a rizgarkirina bajarê Reqayê û vekirina navendê li hemû gelê Reqayê hate pîrozkirin û hate destnîşan kirin ku bi saya têkoşîn û berxwedaniya şehîdan "payetexa terorê" Reqayl ji çeteyên DAIŞ`ê hate rizgarkirin.

Kesên axivîne  anîn ziman ku bi riya vekirina navenda dadgehê dê fikên demokratîk, wekîhev û edalet li civakî belav bibe. Her wiha hêvî ji endamên meclîsê hate kirin ku li gorî berpirsyariya ku ji wan tê xwestin kar û xebatê bimeşînin.

Di dawiyê de deriyê Meclisa Dîwana Dada Civakî ji aliyê dayika şehîd Îbrahîm ve hate vekirin.

Dîwana Dada Civakî ji van desteyan pêk tê (Desteya Îdaa û Lêkolîn, Desteya Rêveber, Dîwana Dada Civakî)

Dîwana Dada Civakî yek ji destkeftiyên ku li Reqayê bi boneya salvegera rizgarkirina yekemîn a bajarê Reqayê ji çeteyên DAIŞ`ê ye.

(bx)

ANHA