Li Reqayê jî dest bi berhevkirina zeytûnan hate kirin

Şêniyên gundewarên Reqayê dest bi berhevkirina zeytûnan kir.

CIVAK Û JIYAN

18 cotmeh, 2018 11:05

REQA

Li herêmên bakur û rojavayê Reqayê darên zaytûnan gelek in lê belê di dema dagirkeriya çeteyên DAIŞ`ê de 3 salan nehatin avdan. Darên li bajarê Reqayê ji 2 cureyan in; zeyatî û xişabî. Çeteyan gelek dar şewitandin û qut kirin.

Lê piştî ku bajarê Reqayê ji aliyê Hêzên Sûriyeya Demokratîk (QSD) ve di 17'ê Cotmeha 2017'an de hate rizgarkirin, bi hezaran cotkar vegeriyan ser zeviyên xwe û dest bi çandina zeviyan kir.

Piştî ku ewlekarî hat bajêr, şêniyên Reqayê ji destpêka mehê ve dest bi çînina zeytûnan kir. Guvaştina zeytûnan li meserên Mezreya El-Salihe dê bê kirin ku tekane mesere ye li bajarê Reqayê. Ji ber ku herêmên din zeytûnan naçînin û li gorî herêmên din li Sûriyeyê (Efrîn, Idlib, gundên Laziqiyê) darên xwe kêm in.

Berpirsê fenî di meserê de Hûsam Sedû têkildarî mijarê wiha got:"Ji destpêka mehê ve me dest bi pêşwazîkirina berhema zeytûnan kiriye. Zeytûn di gelek merheleyan re derbas dibin beriya ku zeyt jê derkeve."

(jo)

ANHA