Daxuyaniyên erênî berovajî nakokiyên girêdayî avakirina hikumeta Iraqê ne

NAVENDA NÛÇEYAN

Buroya Serokwezîrê Iraqê yê erkdarkirî Adil Ebid El-Muhdî ragihand ku dê navên ku ji bo wezaretan hatine pêşniyarkirin û bernameya hikumetê di hefteya bê de aşkera bike. Buroyê di daxuyaniya xwe de got ku El-Muhdî dixwaze navên wezîrên hatine pêşniyarkirin li rex rêbaza wezaretan di hefteya bê de aşkera bike.

El-Muhdî her wiha diyar kir ku dê peywendiyên xwe bi serokê parlemanê û rayedarên bilokên parlemanê re bike da ku dema guncaw a aşkerakirinê diyar bikin.

Parlemanterê Biloka Niştimanî Falih El-Îsawî jî îro diyar kir ku hin bilokên parlemanê ku serokwezîr El-Muhdî azad dibînin, ji çapemeniyê re axivîne û niha jî ji hevpeymanên xwe dûr dikevin û nîşan dide ku Biloka Niştimanî dilsoziya El-Muhdî dike lê bi destkeftiyên xwe yên hilbijartinan ve girêdayî ne.

El-Îsawî da zanîn ku çarçoveya El-Muhdî têrê dike ku namzetên wezaretan nîşan bide û wiha da diyarkirin: "Şêwirên El-Muhdî û piraniya bilokan berdewam in û di paş perdeyan de mijarên cuda derdikevin. Em wek Biloka Niştimanî ji destpêkê ve zelal helwesta xwe nîşan didin û em piştgiriyê didin El-Muhdî û di heman demê de em girêdayî destkeftiyên xwe yên hilbijartinan in.”