Konê sersaxiyê ji bo Îbrahîm Ayhan di roja duyemîn de ye

KOBANÊ

Konê sersaxiyê li pêşiya avahiya Meclisa Rêveber a Kantona Kobanê hatiye vedan. Ji saetên serê sibehê ve gel tevî saziyên ewlekarî û saziyên civaka sivîl berê xwe dide konê sersaxiyê.

Li konê sersaxiyê der barê kesayeta wî û hezkirin û xizmetê wî ji Kobanê re axaftin hatin kirin.  Bi navê Desteya Hundirîn a Kobanê Nebo Bilbelî axivî û sersaxî ji heval û malbata Îbrahîm Ayhan re xwest û wiha got: “Em kesayetekî wekî Îbrahîm hevaltî û keda wî ji bo gelê Kobanê ji bîr nakin."

Hevserokê Meclisa Rêveber a Kantona Kobanê Enwer Mislim jî axivî û da zanîn ku tu carî gelê Kurd sertewandin qebûl nekir, Îbrahîm Ayhan li hemberî zilm û zordariyê kedeke mezin da û ji bo azadiya gelê xwe bi salan di zindanê de li ber xwe da.”

Konê sersaxiyê heta saetên êvarê dê vekirî be.

Cenazeyê siyasetmedarê Kurd û parlamenterê berê yê HDP’ê Îbrahîm Ayhan ku li Hewlerê bi krîza dil jiyana xwe ji dest da, piştî otopsiya li Şirnexê, şandin navçeya Sîwereg a Rihayê.

Malbat û heyeta HDP'ê dê cenazeyê Ayhan îro li Goristana Nato ya Sîweregê bi merasîmeke girseyî bispêrin axê.

(hh-sn/kc)

ANHA