Bi wesîleya salvegera damezirandina PYD‘ê civînek hate lidarxistin

Bi boneya salvegera 15‘emîn a damezirandina Partiya Yekitiya Demokratîk (PYD) civînek li bajaroka Rimêlan hate lidarxistin.

21 îlon, 2018 14:50

QAMIŞLO

Civîn bi dirûşma "Bi rihê Berxwedana Serdemê em salvegera 15‘emî a damezirandina PYD‘ê" hate organîzekirin. Bi dehan şêniyên herêmê di şahiyê de amade bûn.

Piştî deqeyeke rêzgirtinê Endamê Meclisa Giştî ya Partiya Yekitiya Demokratîk Telet Yûnis axivî û got: "Bingha Têkoşîna me îradeya azad e, xeta sêyemîn tê wateya îradeya me ya azad e, lewra her tim em têne hedefirin. Tiştên ku me di salên şoreşê de dîtin, êrîş û lihevkirin ku li hemberî me têne meşandin e, sedema xwe fikir û projeya me ya demokratîk e."

Yûnis di berdewama axaftina xwe de bal kişand li ser tîfaqên navdewletî yên der barê Sûriyeyê de û diyar kir ku "Dewletên cîhanî, Rûsya û rêjîma Sûriyeyê li Tehran û Sochi dicivin, ev civîn mîna yên berê xizmeta berjewendiyên dike û li ser hesabê rijandina xwîna gelê Sûriyeyê têne kirin."

Telet Yûnis, rola PYD‘ê ya di rêxistinkirina civakê de destnîşan kir û got, partî hemû pêkhateyên Bakurê Sûriyeyê hembêz dike, rexmî hemû kelem û asteniyan bûye partiyek pêşeng li Bakûrê Sûriyeyê ye.

Civîn bi nîqaşan bi dawî bû.

ANHA