Mam Zekî Şengalî li Tirbespiyê hate bi bîranîn

Li navçeya Tirbespiyê ya kantona Qamişloyê Mam Zekî Şengalî hate bi bîranîn.

NÛÇE

21 îlon, 2018 15:11

QAMIŞLO

Mala Êzidiyan a navçeya Tirbespiyê ya kantona Qamişlo bi boneya 40 rojiya şehadeta endamê koordînasyona Civaka Êzidî û Endamê Desteya Rêveber a KCK‘ê Îsmaîl Ozden (Zekî Şengalî) ê ku 15‘ê Tebaxê di êrîşeke hawayî ya balafirên Tirkiyê de şehîd bû, merasîmê bîranînê hate lidarxistin.

Şandeyek ji Komîteya Têkiliyan a TEV-DEM, rêveberên Kampa Newroz, Buroya Karûbarên Baweriyan, şandeyeke ji herêma Firatê û bi dehan şêniyên navçeyê di merasîmê de amade bûn.

Merasîmê bîranînê bi deqeyeke rêzgirtinê dest pê kir. Endamê Komîteya Têkikiyên Giştî yê TEV-DEM‘ê Salih Muslim û Rêveberê Mala Êzdiyan a Herêma Cizîrê Îlyas Seydo axivîn.

Di axaftinan de, bi boneya şehadeta Mam Zekî Şengalî sersaxî ji gelê Kurd bi giştî û civaka Êzidî bi taybet hate xwestin.

Hate gotin, Mam Zekî ji bo parastina gelê Êzidî xizmeteke mezin da meşandin, mînaka fermandarî û hevaltiyê bû, têkoşîna wî şahidiya rola ya di parastina gelê Kurd û Êzidî de diyar dike, lewra ji aliyê hêzên dagirker ve hate êrîşkirin.

Di axaftinan de, soza şopandina xeta Mam Zekî Şengalî hate dûbarekirin.

ANHA