Ji bo vegera xwendekaran xebateke domdar

FECIR EL-XALID / REQA

Rêxistina Înma Firat bi hevkariya Komîteya Perwerde û Fêrkirinê û Meclisa Sivîl a Reqayê Navenda Nesmêt Emel bi armanca hînkirina xwendin û nivîsandinê vekir.

Navend zarokên ku temenê wan di navbera 9-16 saliyê de pêşwazî dike. Heta niha hezar şagirt hatine tomarkirin. Dewama navendê ji serê meha Îlonê ve dest pê kiriye.

Sibeh û nîvro û di her dewamekî de 500 şagirt perwerdeya xwe dibînin.

Dema her dewreyekê 3 meh e. Piştî ku şagirt waneyên xwendin û nivîsandinê bi dawî bikin li gorî ast û temenê wan û bi hevkariya Komîteya Perwerde û Fêrkirinê ya Meclisa Sivîl a Reqayê li ser dibistanan tên ferzkirin. Her wiha di dewreyan de zarok waneyên muzîk, wêne û werzîşê jî dibînin.

Rêveberê Navenda Nesmêt Emel Adnan Hessanî ji ajansa me re axivî û got: "Me zarok li ser astan û waneyan dabeş kirin. Dewreya nivîsandin û xwendinê wekî pêngaveke tedawiyê ye bi çar astan peyda dibe. Armanca me ew r ku em nezantiyê bi dawî bikin."

Tê destnîşankirin ku warê perwerdehî di dema serweriya çete û DAIŞ’ê de li Reqayê gelekî paşde çû.

(şx)

ANHA