KODAR'ê nasnameya 3 şehîdan eşkere kir

NAVENDA NÛÇEYAN

Komelgeya Demokratîk û Azad a Rojhilatê Kurdistanê (KODAR) bi daxuyaniyekî nivîskî ya li ser malpera fermî ya PJAK'ê hatî weşandin nasnamezeya 3 gerîlayên 7'ê Îlonê li Sine şehîd bûyîn eşkere kir.

Di daxuyaniya KODAR'ê de wiha tê gotin; "Di 7'ê Îlonê de, li gel êrîşa terorîstî ya Supay Pardarên a li ser baregehên Hizba Demokrata Rojhilat Kurdistanê ya li Koyeyê, êrîşa rejîma Sûriyeyê ya li Qamişlo û ji aliyê rejîma Îranê ve topbarana Herêma Kurdistanê, Supay Padaran bi beşdarbûna cerdevanên navçeyê li dijî gerîlayên KODAR'ê operasyonek berbilav li herêma Sine ya Rojhilatê Kurdistanê pêk anî. 

Ev operasyon divê di çarçoveya êrîşên li ser hebûna Kurdan de were navkirin. Di encama vê operasyonê de 3 gerîlayên me piştî şerekî qehremanî yê li dijî Supay Pasdarên rejîma Îranê şehîd bûn. Herwiha agahî ji gerîlayekê ji nayê girtin."

KODAR'ê eşkere kir ku divê operasyona leşkerî de, cerdevanên herêmê weke mertalên Supay Pasdaran rol girtine. KODAR'ê diyar kir ku wê di rojên pêş de agahiyên berfireh belav bikin.

Nasnameya sê gerîlayên şehîd bûne wiha ye; "

Nav û paşnav: Cemal Rehmanî

Nasnav: Argeş Karzan

Erk: Endamê Rêveberiya KODAR'ê

Cihê jidayikbûnê: Kamîran

Cih û dîroka şahadetê: Sine 7'ê Îlona 2018

**********

Nav û paşnav: Reûf Îbrahîmî

Nasnav: Tolhildan Sine

Erk: Endamê Rêveberiya KODAR'ê

Cihê jidayikbûnê: Sine

Cih û dîroka şahadetê: Sine 7'ê Îlona 2018

************

Nav û paşnav: Şerîf Emînî

Nasnav: Dilşad Fedayî

Erk: Endamê Komeleya Ciwanên Rojhilatê Kurdistanê (KCR)

Cihê jidayikbûnê: Serdeşt

Cih û dîroka şahadetê: Sine 7'ê Îlona 2018

Komelgeya Demokratîk û Azad a Rojhilatê Kurdistanê (KODAR) di dawiya daxuyaniyê de ji gelê Kurd û malbatên şehîdan re sersaxî xwest û wiha tê gotin; "Emê nehêlin xwîna şehîdan vale biçe. Emê rêbaza şehîdan berdewam bikin."