Du birayên şehîd Miteweh soza şopandina xeta birayê xwe dan

QAMIŞLO

Bi sedan kesî cenazeyê şervanê QSD‘ê Mitewih El-Leylî ji navenda meclisa taxa enteriyê ya bajarê Qamişlo wergirtin û bi kerwanekî ji sedan erebeyan pêk dihat ku bi wêneyên şehîd hatibû xemiland ber bi goristana Şehîd Raxib El-Etiyê ya gundê Salihiyê ya navçeya Til Hemîsê ve bi rê ketin.

Kerwanê cenaze dema gihişte gund ji aliyê sedan kesî ve hate pêşwazîkirin. Li vir merasîmeke bi turaneke leşkerî û deqeyeke rêzgirtin dest pê kir.

Paşê axaftin ji aliyê berdevkê QSD‘ê yê navçeya Til Hemîsê Kemal Pîr ve hate kirin. Pîr soz da dayik û bavên şehîdan ku ew ê xeta şehîdan bişopînin û wiha got: "Em xaka xwe radestî tu hêzî nakin. Komployên li dijî me têne kirin nikarin mozayik û pirrengiya civaka me têk bibe."

Birayê Şehîd Bahoz Miteweh, Hemîd jî di merasîmê de axivî û ev tişt got: "Ez şehadeta birayê xwe diyarî rêberê netewî Abdullah Ocalan dikim, bi şehadeta wî ez ser bilind im ji ber ku ji bo welat û pêkanîna demokrasiya li herêmê şehîd bûye."

Her wiha Ezîz El-Leylî jî birayê mezin ê şehîd Bahoz jî axaftin kir û got, birayê wî ji bo dozekê şehîd bûn û wiha anî ziman: "Ji sala 2013 me daye ser xeta wî, em ê biçin Hecîn û Baxoz û ji çeteyan rizgar bikin. Soz didim ku ez ê biçin eniyên pêş ên şer."

Piştî axaftinan wesîqeya şehadetê hate xwendin û radestî malbatê hate kirin.

Girseya gel cenazeyê şehîd li ser mile xwe kirin û di nava diruşmeyan de veşartin.

ANHA