Hewldanên ji bo geşkirina berhemên masiyan

EMÎNE EL-ELÎ/REQA

Ji ber dagirkeriya DAIŞ'ê ji bajarê Reqayê û binpêkirinên wan der heqê şênî û bi taybet nêçîrvanan masiyan de, beşa berhemên masiyan li bajarê Reqayê gelek paşde çû.

Her wiha Tirkiye mîna DAIŞ'ê azar û zehmetiyên nêçîrvanên masiyan zêde kir. ji ber girtina avê gelek cureyên masiyan mirin. Ji ber wê û ji ber ne birêxistinkirina nêçîriyê, gelek nêçîrvan şêwazên qedexekirî bi kar anîn(kehrebe û dînamît) û ew jî bo sedema tunebûna hin cureyên masiyan û beşa berhamên masiyan a bajêr paşde xist.

Lê piştî rizgarkirina bajarê Reqayê di 20'ê Cotmehê de hinek xwediyên masiyan di nav gelek zehmetiyên peydakirina êmê masiyan ê ku buh bûye û li bajêr pir peyda nabe, vegerîn.

Têkildarî mijarê Endamê Komîteya Berhemên Masiyan Mehmûd Hemzewî got:"Di encama tevliheviyê de, em ê komîteya polîsên beravan ava bikin. Ev komîte dê nêçîrvanên masiyan li ser girîngiya berhemên masiyan zane bike û ruxsetên xwedîkirina masiyan bidin." 

Ji aliyê xwe ve nêçîrvanê bi navê Taha El-Ehmed ê ji Dêrazorê got:"Em di firotina masiyan de ji ber tunebûna alavên sarkirinê astengiyan dikşînin û ew jî rê li ber keysbaziyê vedike, ji ber wê  û ji bo  rê li ber nêçîriya bê serûber  bê girtin, em bang li aliyên têkildar dikin ku polîsên beravan erkdar bikin."

(şx)

ANHA