Bi xebateke hevpar herêma xwe ava dikin

FÎRAS TEYAWÎ/REQA

Di dema dagirkeriya DAIŞ'ê ji herêma El-Kerama ya gundewarên Reqayê re, binsaziya herêmê têk çûbû.

Piştî rizgarkirina herêmê û ji bo pêşxistina warê xizmetguzarî, meclisên gundewarên rojhilatê Reqayê û bi hevkariya gelên herêmê û ji bo gihandina ava vexwarinê ji malan re toreyên avê û stasyonên avê  sererast kirin.

Her wiha werşeyên kar ên girêdayî saziyên xizmetguzarî û bi hevkariya şêniyan, stasyona avdana zeviyan ji bo gihandina avê ji cotkaran re, bi awayekî demkî sererast kir.

Piştî bi dawîkirina xebatên sererastkirina stasyona ava vexwarinê û avdanê, werşeyên kar dest bi sererastkirina beşa kehrebeyê kirin.

Di demek pir kin de, toreyên sereke yên kehrebê hatin sererastkirin û kehrebe giha stasyonên ava vexwarin û avdanê.

Ji ber nebichanîna rêxistinan ji sozên xwe re û ji ber kêmderfetên Şaredariya Gel a herêma El-Kerama, şêniyên herêmê bi insiyatîfên xwe dest bi kampaniya komkirina pereyên pêwîst ji bo çêkirina toreya kehrebeyê kirin

Ev insiyatîf li El-Himêrat destpê kir. Ciwan û bi kedên xwe kehrebe gihandin malên xwe.  Ev xebat hîn jî didome.

Têkildarî mijarê hevserokê Komîna şehîd Ezîz Ereb, Osman El-Isir got: "Ji bo vê xebatê werşeya kehrebeyê û bi hevkariya şêniyên herêmê, pereyên pêwîst kom kirin û hinek ciwanên xwedî tecrûbe û bi dildarî, xebatên gihandina kehrebeyê meşandin."

(şx)

ANHA