Dewreyên bîrdozî yên vekirî ji bo mamosteyên dayik

ŞIHAB EL-EHMED / QAMIŞLO

Erk û peywira mamosteyên dayik di mal û civakê de, rê li ber tevlêbûna wan a dewreyên bîrdozî yên girtî digire. Ji ber wê, Meclisa Jinan a Qamişloyê bi taybet ji bo mamosteyên dayik dewreyên perwerdeyê yên bîrdozî yên vekirî vekirin.

151 mamosteyên dayik bi çavdêriya Komîteya Dibistanan tev li dewreya ku li Navenda Perwerde û Fêrkirinê ya navçeya Til Hemîsê bûn. Di dewreyê de semîner li ser hevjiyana azad, jin û rêveberî, neteweya demokratîk û civaka xwezayî hatin dayîn.

Kadroyek ji rêveberên Komîteya Rêveberiya Dibistanan a Til Hemîsê û endamên rêveber ên Meclisa Jinan a Kantona Qamişlo li ser dewreyê sekinîn.

Têkildarî mijarê mamosteya bi navê Mune El-Şêx Elî ya ji gundê Resim Dirû, diyar kir ku dewre ji bo mamosteyan gelekî baş û bi sûd bû.

Ji aliyê xwe ve mamosteya bi navê Ehlam Uwêd a ji gundê Eşwan, pesna keda Meclisa Jinan a Komîteya Rêveberiya Dibistanan ji bo pêşxistina jinan di hemû waran de da.

Endama rêveber a Meclisa Jinan a Komîteya Rêveberiya Dibistanan a Til Hemîsê û çavdêra dewreya bîrdozî Kîfa Salih wiha got: "Dûrxistina jinan ji mal û malbatê barê wê girantir dike."

Di dawiyê de Kîfa tekez kir ku mamoste û bi taybet herêmên ku nû hatine rizgarkirin, bi awayekî baş tev li dewreyan dibin.

(şx/ew)

ANHA