Sersaxî ji malbata şehîd Rojava re hate xwestin

Bi sedan şêniyên navçeya Amûdê sersaxî ji malbata şehîd Kazim Hac Yûnis (Rojava) re xwest ku di 29`ê Tebaxê de dema erka xwe ya leşkerî li bajarê Qamişlo pêk dianî, şehîd bû.

NÛÇE

31 tebax, 2018 10:17

QAMIŞLO

Konê sersaxiyê li pêşiya mala şehîd li navçeya Amûdê hate vedan. Bi sedan şêniyên navçeyê, saziyên sivîl, şervanên YPJ/YPG`ê tev li merasîma sersaxiyê bûn.

Merasîm bi rêzgirtinê dest pê kir, paşê bi navê Meclisa Malbatên Şehîdan a navçeya Amûdê Mihemed Seîd Fersû axivî û sersaxî ji malbata şehîd re xwest û destnîşan kir ku ew deyndarê şehîdan in, ji ber ku bi saya têkoşîn û berxwedana wan bi aramî û ewlehî dijîn.

Her wiha ji fermandarên YPG`ê Rûbar Qamişlo diyar kir ku şoreşa Rojava derbasî sala xwe ya 6`mîn bûye, di van salan de şervanên azadiyê YPJ/YPG`ê bi xwîn, têkoşîn û berxwedana xwe ji bo ku gelê herêmê bi azadî û aramî bijîn gelek qurbanî dan.

Hêjayî gotinê ye ku şehîd Kazim Hac Yûnis (Rojava) di sala 2011`an de tev li nava YPG`ê bûbû û li dijî çeteyên DAIŞ`ê li Til Hemîs, Til Berek û Reqayê bi lehengî şer kiribû.

(bx)

ANHA