Hemleya paqijkirinê di qonaxa duyemîn de didome

SÎLVA MISTEFA – ROZANA DADO / HELEB

Di çarçoveya kar û xebatên paqijkirina taxa Şêxmeqsûd a bajarê Helebê ji bermahiyên şer û êrîşên komên çete de, Şaredariya Gel a Şêxmeqsûdê hemleya xwe ya paqijkirinê di qonaxa duyemîn de berdewam dike. Şaredariyê taxên Şêxmeqsûd û Eşrefiyê bêtirî ji sedî 70 ji bermahiyan paqij kir.

Di qonaxa duyemîn a hemleyê de jî Şaredariya Gel rê û kolanên taxê paqij dike û tê payîn ku hemle di meha bê de bi dawî bibe.

Komîteya Hawîrdorê hate avakirin

Bi armanca parastina paqijî û xemla taxê û parkên wê Şaredariya Gel, Komîteya Hawîrdorê ku ji 5 kesan pêk tê, ava kir.

Komîteya Hawîrdorê jî tavilê dest bi kar û xebatên xwe kir û niha şaxên daran ên hişk bûne dibire û daran bûdek dike.

Girêdayî mijarê hevseroka şaredariyê Velantîna Ebdo diyar kir ku qonaxa duyemîn a hemleya paqijkirina bermahiyên şer li taxê beriya cejna Remezanê dest pê kiriye û ji bo ew kar û xebatên xwe baş pêk bînin di asta herî bilind de dixebitin.

Endamê Komîteya Hawîrdorê Enwer Serîh diyar kir ku armanca sereke ya avakirina komîteyê ew e ku hawîrdora taxê û xemla taxê were parastin.

ANHA

" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen>