Çarenûsa civak li ser ferz dike, qebûl nake

Emîne Ehmed bi kedê ve girêdayî ye û piştî seqet ma dîsa jî çandiniyê dike û çarenûsa civak li ser ferz dike, qebûl nake.

23 hezîran, 2018 09:40

EYŞÊ MEDÛR/TEBQA

Xebatkara Şaredariya bajaroka Mensûra Emîne Ehmed (35) hîna temenê wê 1 mehî ye di encama derziyeke şaş de ku lêdidin, felc dibe û ji her du lingê xwe seqet dimîne.

Emîne Ehmed nêrandina civakê ji kesên astengdar re qebûlnake, ji malbat û derdora xwe fêrî karê çandiniyê dibe û piştî temenê wê mezin dibe, destbi çandiniyê dike.

Niha jî Emîne Ehmed 4 km carne li ser kursiyê xwe û carne jî bi erebeya Şaredariyê tê karê xwe yê şaredariyê. Li hewşa şaredariyê bexçeyek çandiye. Wê sala 2006`an di Muduriyeta Ceyranê ya bajaroka Mensûre xebitî ye û niha karê xwe yê çandiniyê berdewam dike.

Emîne Ehmed ji ajansa me ANHA`ê re axivî û got:˝ Hemû kes biçûk li astengdaran dinêrin û mîna em nikarin tu karî bikin lê belê min ev yek ji bo xwe qebûlnekir ez alîkariyê ji kesî naxwazim˝.

Emîna Ehmed di nava gotinên xwe de anî ziman ku ew ji alîkariyên ku hinek rêxistinên mirovî dikin, heznake û dixwaze bi keda xwe mezin bibe.

(np)

ANHA