Hêzên rêjîmê di vegerandina herêmên El-Bûkemal de têk çû
Li nêzî stasiyona duyemîn T2 ya di navbedra gundewarên Hums û Dêrazorê de di navbera Hêzên Rêjîmê û çeteyên DAIŞ`ê de şer derket. Hêzên Rêjîmê careka din cihekî ku ji destê wê hatibû giritin carke din xist bi serweriya xwe de, lê nikare hemû cihan ji destê çeteyan derbixe.
![Hêzên rêjîmê di vegerandina herêmên El-Bûkemal de têk çû](https://hawarnews.com/kr/uploads/images/201806/133909_bukemal-heza-recime.jpg)
NAVENDA NÛÇEYAN
Li gorî Navneda Çavdêriya Mafê Mirovan a Sûriyê li nêzî stasyona Duyemîn T2 a li ser sînorê gundewarên Humsê û Dêrazorê di navbera Hêzên Rêjîmê û çeteyên DAIŞ`ê de şer derket.
Ji herdû aliyan de topbaran pêk hat. Çeteyên DAIŞ`ê bi armanca ku gelek endamên Hêzên Rêjîmê û alîgirên wê li herêmê bidin kuştin êrîş kir. Her wiha hate gotin ku ji herdû aliyan kuştî û birîndar hene.
Girêdayî mijarê şer û pevçûn li bajarê El-Bûkemal a xwedî girîngiya stratîjîk li gel rêjîm û Îranê dewam dike. El-Bûkemal dikeve aliyê rojhilat ê gundewarê Dêrazorê.
Çavdêrê Sûriyê destnîşan kir ku Hêzên Rêjîmê û Hêzên Îranê û alîgirên wan tevî alîkariya ku Hêzên Rêjîmê ji alîgerên xwe li herêmê girtin lê bi ser neket ku hindek herêmên aliyê rojhilat û bakur- rojavayî bajarê El-Bûkemal bixe bin serweriya xwe.
Ji aliyê xwe ve Hêzên Rêjîmê alavên gurûpên çekdar li derdora çeyayê Berava Sûriyê û Sehil El-Xab ê gundewarîn El-Hemewî bi obîsan hedef digre. Navenda Çavdêriya Sûriyê diyar kir ku Hêzên Rêjîmê alavên gurûpên çekdar bi obîsan li nêzî gundê El-Qahîra yê gundewarên bakur – rojavayî Heme bi obîsan hedef girtin. Di encama wê de 12 endamên Tîma Duyemîn a Sahilî hatin kuştin.
Li gorî çavkaniyên li parêzgeha Deraa ya Sûriyê jî amadekairyên şer tên e kirin.
(bx)