'Gunehê Hespê' şanoya ku keysbaziya dagirkeriya Tirkiyeyê vedibêje ye

HENAN MIHEMED / ŞEHBA

Piştî êrîşa artêşa Tirk a dagirker û komên çete yên girêdayî wê li dijî Efrînê û koçberkirina wan ji welatiyên Efrînê re û dûrxistina zarokan ji lîstok û zaroktiyê, Navenda Çand û Hunerê ya herêma Şehba şanoyekê di bin navê "Gunehê Hespê" ji zarokan re pêşkêş dike. Di şanoyê de 5 ajal "dîk, gur, ker, hesp û rovî" cih digirin.

Di derbarê mijarê de derhênerê  şanoyê Mihyeddîn Erselan ji ajansa me ANHA'yê re axivî û got ku welatiyên Efrînê ji aliy, artêşa Tirk a dagirker û komên çete yên girêdayî wê rastî komkujî û qirkirinê hatin. Navenda Çand û Hunerê jî ji bo nexşekirina rûkeniyê li ser rûyê zarokên Efrînê di kampa Serdem a koçberên Efrînê de şanoyek amade kir û dê têde destdirêjiyên dagirker û çeteyan nîşan bide.

Erselan got ku huner rihê jiyanê ye û bêyî wê ti wateya jiyanê tune ye û wiha anî ziman: "Me bi kêmderfetên xwe ev şano amade kir û tenê rêveberiya kampê alîkariya me di amadekirina şanoyê de kir."

Lîstokvanê bi navê Selam Îbo girêdayî mijarê wiha got: "Tevî hemû rewşên dijwar ku welatiyên Efrînê têde berxwedana xwe berdewam dikin. Armanca sereke ya dagirkeriya Tirkiyeyê tunekirina çand û hunera Kurdî ye, lê bi berxwedana gel em ê çanda xwe biparêzin. Ev cara yekemîn e şanoyek di derbarê destdirêjiyên dagirkeran li dijî welatiyan û keysbaziya wan tê amadekirin. Armanca vê yekê jî ew e ku kenê zarokan vegere û rastiya hovîtiya dagirkeran nas bikin."

Lîstokvanê bi navê Mîrzan Bekir jî axivî û wiha da diyarkirin: "Naveroka şanoyê di derbarê keysbaziya rûvî û gur di kuştina hespê de ye û dîk û kerê jî aqilan didin hespê."

ANHA