Cenazeyê şervanê YPG'ê Newres Hesekê spartin axê

HESEKÊ

Girseya Gel cenazeyê şervanê YPG'ê Newros Hesekê ji navenda Meclîsa Malbatên Şehîdan a Hesekê wergiritn û bi karwanekî tirmplan ber bi goristana Şehîd Diwjar a li gundê Dawidiyê ve derketin rê.

Li riya ketina goristan, girseya gel cenaze li ser milan kirin û heta goristanê meşiyan. Li vir merasîma oxirkirinê hate lidarxistin. Merasîm bi rêzgiritnê destpê kir û paşê şervanên YPG/YPJ'ê rêzgirtina leşkerî lidar xistin.

Paşê Endamê Rêveber ê Meclîsa Malbatên Şehîda Bengîn Badînî axivî û di destpêka axaftinê de di şexsê Şehîd Newres de hemû şehîdên azadiyê bibîr anîn û got ku ew ê heta dawî şopdarên riya şehîdan bin.

Di berdewama merasîmê de Endamê Fermandariya YPG'ê Diyab Hesekê jî axivî û bal kişand ser berxwedan û tekoşîna şervanên ku ji bo azadiya gelê xwe şehîd bûne û da zanîn ewê heta dawî şopdarên riya şehîdan bin.

Li ser navê PYD'ê jî Lîlan Qasim axivî û got ku gelê herêmê bi di vê demê de bi azadî li ser xaka xwe jiyan dikin û tekez kir ku ew ê tu carî tiştî bi saya tekoşîna şehîdan hatiye bidestxistin jibîr nakin.

Piştî axaftinan sicîlê şehîd hate xwendin û radestî malbatê hate kirin. Di dawiya merasîmê de jî girseya gel cenazeyê şehîd bi diruşmeyan spartin axê.

(dc)

ANHA