Yekem pêşbirka Hespên Esîl li Tebqayê hate lidarxistin

Komîteya Ciwan û Werzîşê ya Rêveberiya Sivîl a Demokratîk a herêma Tebqayê bi dirûşmeya "Wek ku çawa Tebqa rizgar bû em ê Efrîn jî rizgar bikin" yekem pêşbirika Hespên Esîl lidar xist.

16 gulan, 2018 10:17

TEBQA

Komîteya Ciwan û Werzîşê bi armanca pêşxistina siwarbûna hespan li herêmê pêşbirka Hespên Esîl li nêzî gundê Caber a girêdayî Tebqayê lidar xist.

Hevseroka Meclîsa Zagonsaz a herêma Tebqayê Rewşen Hemê, endamên Saziya Malbatên Şehîdan a Tebqayê, Meclîsa Jinê, Meclîsa Ciwanên Tebqa û hejmarek ji heskiriyên spora siwarbûna hespan beşdarî lidarxistina pêşbirkê bûn.

Pêşbirk bi rêzgirtinê hate destpêkirin. Paşê, Hevseroka Meclîsa Zagonsaz a Tebqayê Rewşen Hemê axivî û tekez kir ku pêwîste hespên esîl werin parastin û baş werin xwedîkirin û hemû hewildan werin kirin da ku ev çand were parastin.

Ji aliyê xwe ve Heverokê Saziya Malbatên Şehîdan a Tebqayê Cûma El-Hesen axivî û diyar kir ku bi saya tekoşîn û berxwedana şehîdan jiyana wan rengîn bû.

Piştî axaftinan pêşbirk di navbera siwarên hespan de destpê kir.

Di dawiyê de Hevseroka Meclîsa Zagonsaz a Tebqayê Rewşen Hemê xelat li 3 siwarên hespan ku bi serketin belav kir.

(bx)

ANHA