Nexweşiya Leşmaniya di nava Efrîniyên Şehbayê de belav bûye

EFRÎN

Welatiyên Efrînê yên ji ber êrîşên Artêşa Tirk û çeteyên wê neçar bûn ku mal û milkên xwe terik bikin û berê xwe bidin kantona Şehbayê, di rewşeke zehmet de jiyan dikin. Di nava welatiyên Efrînê de nexweşiyên wekî Leşmaniya û Sil belav bûye. Ev nexweşî jî rewşa welatiyan hîn girantir dike.

Di encama wêraniya li herêma Şehbayê û qirêje li derdorê belav bûye, rewşa jiyanê zehmet dibe. Rêxistinên navdewletî û yên tenduristî jî alîkariyên pêwîst ji şêniyên Efrînê re pêşkêş nakin. Rêveberiya kampê û noqteyên tenduristî rewşên nexweşiyên sil û leşmaniya bi derfetên xwe yên heyî derman dikin.

Rewşa nexweşan û derfetên di destê Heyva Sor a Kurd û rêveberiya Nexweşxaneya Avirîn  tenduristiyê yên li kantona Şehbayê kêm in.

Endamma Rêveber a Nexweşxaneya Avrîn Cîhan Ebdo û Endama Rêveber a Heyva Sor a Kurd Emar Mihemed bang li civaka navdewletî û rêxistinên tenduristî kir ku dermanên nexweşeyên giran û bi taybet leşmaniya ji wan re pêşkêş bikin û dan zanîn ku derfetên wan pir kêm in.

Nexweşiya Leşmaniya hebeke di çermê mirovan de çêdibe. Di riya Mêşa Remil belav dibe, E mêş ku rengê wê zere, xwîna ên bi nexweşiyê ketine, çi mirov bin û çi heywan bin, dikşîne û dema gez kesekî din dike, nexweşî derbasî wî kesî jî dibe.

RAPOR: ŞERVÎN MUSTEFA

KAMÎRA:CEFER CEFO

(dc)

ANHA