Artêşa Tirk malên welatiyên Efrînê veguhrandin girtîgeha navendî  

EFRÎN

Li gorî çavkaniyan ji gundê Meydan Ekbes ê girêdayî herêma Racoyê ji ajansa me ANHA`yê re raghandî, artêşa Tirk a dagirker 40 avahiyên li gund kirin girtîgeheke navendî û di nava wan de malên welatiyên sivîl jî  hene.

Her wiha di heman demê de, çavkaniyan destnîşan kirin ku çeteyan avahiya istasiyona tirênê, derdora wê, avahiya Pasportan û avahiya kontrolkirina tirênan jî veguhrandin girtîgehê û ew weke herême leşkerî îlan kirin.     

Du jin di bin eşkenceyê de felc bûn

Ji aliyekî din ve jî, çavkaniyan diyar kirin ku ji ber eşkenceyên artêşa Tirk a dagirker û çeteyên wê du jin bi temamî felc bûn.

Heman çavkanî got ku şêniyên gund qêrîna kesên ku li ser destê artêşa Tirk a dagirker û çeteyên wê têne eşkencekirin, dibhîsin.

Heman çavkaniyan gotin ku armanca artêşa Tirk a dagirker ew e ku gel bitirsînin û wan bidni koçberkirin.

Her wiha çavkaniyan raghandin ku ku hejmareke ji endamên partiyên di bin sîwana ENKS`ê de yên ku alîkariyê didin artêşa Tirk a dagirker û di nava wan de (A.R.Î) yê ji gundê Meydan Ekbes e bi awayekî aktîf alîkariya dagirkeran û çeteyan dike û malên welatiyan nîşanî  wan dike.

Çavkaniyan tekez kirin ku şêniyên gund di rewşeke pir zehmet de derbas dibin û kiriyarên hovane derheqê wan de têne kirin.

(bx)

ANHA